فەربون و ئەحكامێت هەیڤا رەمەزانێ‌ د سورەتا (البقرة) دا 
ئێك شەمب 30 شعبان 1432 | نڤیسەر كوردستان 
بِسْمِ اللهِ الرَّحْمنِ الرَّحِيمِ
يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ (183) بقرة

گەلی ئەوێن باوەری ب خودێ‌ وپێغەمبەرێ‌ وی ئینای وكار ب شرعەتێ‌ وی كری, خودێ‌ ڕۆژی ل سەر هەوە نڤیسییە كانێ‌ چاوا ل سەر مللەتێن بەری هەوە نڤیسی بو دا بەلكی هوین تەقوا خودایێ‌ خو بكەن, و –ب گوهداری وپەرستنا وی ب تنێ‌- پەرژانەكی بكەنە د ناڤبەرا خۆ وگونەهادا.
أَيَّاماً مَّعْدُودَاتٍ فَمَن كَانَ مِنكُم مَّرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْراً فَهُوَ خَيْرٌ لَّهُ وَأَن تَصُومُواْ خَيْرٌ لَّكُمْ إِن كُنتُمْ تَعْلَمُونَ (184) بقرة

خودێ‌ ڕۆژیگرتنا هندەك ڕۆژێن هژمارا وان یا دەسنیشانكری كو ڕۆژێن هەیڤا رەمەزانێنە ل سەر هەوە فەركرییە. ڤێجا هەچییێ ژ هەوە نەخوش بت وڕۆژی بو وی یا ب زەحمەت بت, یان رَیڤنگ بت بۆ وی هەیە ڕۆژییێ‌ نەگرت, وهندەك ڕۆژێن دی هندی وان یێن وی خوارین بلا پێشڤە بگرت. وئەوێن زەحمەتێ‌ ب ڕۆژییێ‌ ڤە دبەن ونەشێن بگرن وەكی پیرەمێرێ‌ ب ناڤ سال ڤە چووی , ونەخوشێ‌ ژ ئێشا خۆ ڕانەبتەڤە, ئەو ل شوینا هەر ڕۆژەكێ‌ بلا خوارنا هەژارەكی بدەن فدیە, وهەچییێ‌ پترێ‌ بدەت ئەو بۆ وی خێرە, وڕۆژیگرتنا هەوە –دگەل زەحمەتێ‌- بۆ هەوە چێترە ژ دانا فدیێ‌, ئەگەر هوین بزانن كانێ‌ خێرا ڕۆژییێ‌ ل نك خودێ‌ چەند یا مەزنە.

شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ (185) بقرة

هەیڤا رەمەزانێ‌ یا كو خودێ‌ د شەڤا وێ‌ یا ب بها دا دەست ب ئیناخوارا قورئانێ‌ كری دا بو مرۆڤان ببتە رێنیشاندەر, ونیشانێن ئاشكەرا ل سەر هیدایەتا خودێ‌ وژێكجوداكرنا د ناڤبەرا ڕاستییێ‌ ونەڕاستییێ‌ تێدا هانە. ڤێجا هەچییێ‌ ژ هەوە گەهشتە ڤێ‌ هەیڤێ‌ ویێ‌ ساخلەم وئاكنجی بت بلا ل ڕۆژێن وێ‌ یێ‌ ب ڕۆژی بت. وبۆ نەخوشی وڕێڤنگی هەیە ڕۆژییێ‌ نەگرن وهندی وان هندەك ڕۆژێن دی بگرن. خودێ‌ د شریعەتێ‌ خۆ دا تشتێ‌ ب ساناهی وخۆش بو هەوە دڤێت, ووی زەحمەت ونەخۆشی بو هەوە نەڤێت, ودا هوین هژمارا ڕۆژییان بكەنە هەیڤەك, ودا هوین ل ڕۆژا جەژنێ‌ ب مەزنكرنا خودێ‌ ڕۆژییێ‌ ب دوماهی بینن, ودا هوین وی مەزن بكەن كو بەرێ‌ هەوە دایە هیدایەتێ‌, ودا هوین سوپاسییا وی بكەن كو قەنجییا هیدایەتێ‌ وڕێ‌ خوشكرنێ‌ دگەل هەوە كری.
وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ (186) بقرة

وئەگەر بەنییێن من پسیارا من ژ تە كر –ئەی موحەمەد- تو بێژە وان: هندی ئەزم ئەز یێ‌ نێزیكی وانم, ئەز د گازییا وی دئێم یێ‌ گازی من بكەت, ڤێجا بلا ئەو گوهدارییا من بكەن د وی تشتی دا یێ‌ ئەز فەرمانێ‌ پێ‌ ل وان دكەم, وبلا باوەرییێ‌ ب من بینن, دا بەلكی بەرێ‌ وان بكەفتە باشییا دین ودنیایا وان. وئەڤ ئایەتە هندێ‌ دگەهینت كو خودێ‌ یێ‌ نێزیكی بەنییێن خۆیە, نێزیكییەكا بابەتی وی بت.
أُحِلَّ لَكُمْ لَيْلَةَ الصِّيَامِ الرَّفَثُ إِلَى نِسَآئِكُمْ هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ عَلِمَ اللّهُ أَنَّكُمْ كُنتُمْ تَخْتانُونَ أَنفُسَكُمْ فَتَابَ عَلَيْكُمْ وَعَفَا عَنكُمْ فَالآنَ بَاشِرُوهُنَّ وَابْتَغُواْ مَا كَتَبَ اللّهُ لَكُمْ وَكُلُواْ وَاشْرَبُواْ حَتَّى يَتَبَيَّنَ لَكُمُ الْخَيْطُ الأَبْيَضُ مِنَ الْخَيْطِ الأَسْوَدِ مِنَ الْفَجْرِ ثُمَّ أَتِمُّواْ الصِّيَامَ إِلَى الَّليْلِ وَلاَ تُبَاشِرُوهُنَّ وَأَنتُمْ عَاكِفُونَ فِي الْمَسَاجِدِ تِلْكَ حُدُودُ اللّهِ فَلاَ تَقْرَبُوهَا كَذَلِكَ يُبَيِّنُ اللّهُ آيَاتِهِ لِلنَّاسِ لَعَلَّهُمْ يَتَّقُونَ (187) بقرة

خودێ‌ بۆ هەوە دورستكرییە كو هوین ل شەڤێن رەمەزانێ‌ بچنە نڤینا خۆ, ژنێن هەوە ستارەنە بۆ هەوە, وهوین بۆ وان ستارەنە. خودێ‌ زانییە كو هوین خیانەتێ‌ ل خۆ د كەن ب چوونا نڤینا خۆ پشتی عەیشا ل شەڤێن رەمەزانێ‌ كو ئەڤە ل دەسپێكێ‌, تشتەكێ‌ حەرام بوو, ئینا وی تۆبە دانا سەر هەوە وبەرفرەهی بۆ هەوە ئێخستە مەسەلێ‌, ڤێجا هوین ژ نوكە وێڤە هەڕنە نڤینا خۆ ووی تشتێ‌ خودێ‌ بۆ هەوە حەزكری ژ زارۆیان بخوازن, وبخۆن وڤەخون حەتا ڕۆناهییا دروست ل عەسمانی بۆ هەوە ئاشكەرا ببت و ژ تارییا شەڤێ‌ جودا ببت, پاشی خۆ ژ وان تشتان یێن ڕۆژی پێ‌ دكەڤت بدەنە پاش وحەتا شەڤ ب ئاڤابوونا ڕۆژێ‌ دئێت هوین ڕۆژییێ‌ تمام بكەن. ودەمێ‌ هوین ئعتیكافێ‌ ل مزگەفتان دكەن هوین نەچنە نڤینا خو چونكی ئەڤ چەندە ئعتكافێ‌ پویچ دكەن (وئعتكاف ئەوە مرۆڤ دەمەكێ‌ دەسنیشانكری ل مزگەفنێ‌ بمینیت ب ئنیەتا خێرێ‌). ئەڤ ئەحكامێن خودێ‌ بۆ هەوە داناین ئەو تەخویبێن وینە یێن حەلالی و حەرامی ژێك جودا دكەن ڤێجا نێزیك نەبن دا نەكەڤنە د حەرامی دا. ب ڤی ڕەنگێ‌ ئاشكەرا خودێ‌ ئایەتێن خۆ بۆ مرۆڤان دیار دكەت دا بەلكی ئەو ژ وی بترسن وتەقوا وی بكەن.
ژێدەر/ تەفسیرا ب ساناهی – تەحسین ئیبراهیم دۆسكی

منقووووووووووووووووول.... أحفاد الصلاح الدين الأيوبي : أخوكم ابوحسين مزيري
 Hafar~alqbor@nimbuzz.com 
حفار القبور في خدمتكم
 http://paradiseway.yn.lt 
طريق الجنه خاص لتحميل تكستات اسلاميه، مع قسم اللغة الكرديه 
http://ramadhan.yn.lt 
رمضان ، لتعرف اكثر عن شهر رمضان، مع قسم اللغة الكرديه
 اذا أعجبك موضوع من موضوعاتى ..فلا تشكرنى ولكن أدع لي (في ظهر الغيب)
 ملاحظه : كل ملفات منقوله ومنسوخ