بیدعەیا مەولیدا پێغەمبەری سلاڤ لێ‌ بن سێ شەمب 12 ربيع الأول 1432 | نڤیسەر كوردستان راوستیانەكا كورت دگەل بیدعەیا مەولیدا پێغەمبەری سلاڤ لێ‌ بن ئەرێ ئاهەنگ گێران بهەلكەفتا بونا پێغەمبەرێ خودێ (سلاڤ لێ‌ بن) چەوانە ژ لایێ شەریعەتێ ئیسلامی؟ ئەف بیدعا مەولیدێ ئەوا سالێ جارەكێ تێتە گێران چ دگەل دینێ مە دا نینە بەلكی تشتەكێ نوی دەركەفتییە وخودێ وپێغەمبەری نەگوتییە : (وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ) (سورەتا الحشر 7) . ئەرێ ئەف ئاهەنگ وئیحتیفالێن تێنە گێران تشتەكێ باشە یان یێ خرابە ؟ * ئەگەر بێژن خرابە پانێ لازمە ئەم نەكەین ژبەركو ناچێبیت مروڤ كارێت خراب ئەنجام بددەت . * ئەگەر بێژن باشە ، پرسیارەك دێ ئێتە هەل ئێخستن ، ئەرێ بوچی پێغەمبەری (سلاڤ لێ‌ بن) وهەڤالێت خو ئەف باشییە نەكربوِ ل ڤێرێ ئێك ژ دوو بەرسڤا دڤێت بێتە دان یان دڤێت بێژین پێغەمبەری وهەڤالێت وی ئەف باشیە نەدزانی وئەم پشتی وان یێ بسەر هەلبوین وبڤێ گوتنێ مروڤ كافر دبیت چونكی مروڤ وێ گوتنا پێغەمبەری بدرەو دەرتێخیت ئەوا تێدا دبێژیت (چ خێر و باشی نەماینە من نیشا هەوە نەداین ) یان ژی بێژین پێغەمبەری وهەڤالێت وی ئەف باشیە دزانی بەلێ ژ قەستا نیشا مە نەدایە ووان بخوژی نەكرییە ، ومروڤەكێ پیچەكا عەقل دسەرێ ویدا هەبیت ڤێ ئاخفتنێ نا بێژت . * بەری پێغەمبەر(سلاڤ لێ‌ بن) بمریت وبچیتە بەر دلوڤانییا خودایێ مەزن ئایەتەك بو وی هات بو خارێ تێدا هاتییە : (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا) (سورەتا المائدة 3) ژڤێ ئایەتێ تێتە زانین ل دەمێ وی وەغەركری ژڤێ دونیایێ دینێ ئەو پێ هاتییە فرێكرنێ تەمام وكامل ببووچ یێ ژێ كێم نەبو ڤێجا ئەگەر بێژین كو مەولید ئەوا پشتی پێغەمبەری ب( 400 یان 700)سالا دەركەفتی پشكەكە ژ دینییە هینگێ چ رامان ومەعنا بو ڤێ ئایەتا بوری نابیت ، ژخو ئەگەر بێژین پێغەمبەری (سلاڤ لێ‌ بن) ئەڤ چەندە دزانی وژقەستا نیشا مە نەدایە هینگێ دێ بێژین چ كەسێ بعەقل ڤێ گوتنێ نابێژیت ، بتنێ تشتەك دمینیت بێژین ئەو ژی ئەڤەیە بێژین ئاهەنگ گێرانێت مەولیدێ ودینێ مە چ دگەلێكدا نینە . * ئەڤ ئاهەنگ وئیحتفالێت تێنە گێران هەمی د (12 ربیع الاولێ )دا نە ویازانایە پێغەمبەر ل (9 ربیع الاولێ ) یێ ژدایك بوی وەكی گەلەك زانا ڤێ چەندێ دبێژن ژ وان (ئبن كبیر وئیمامێ زەهەبی و ئەلبانی….)و(12 ربیع الاولێ) یێ چوییە بەر دلوڤانییا خودێ ، مەعنا ئەو زەح مەتا ئەو دكەن هەمی دبەر ئاڤێدا دچیت . ئەم بو ڤان مروڤا دبێژین ئەوێن ئاهەنگ ومەولیدا بڤێ هەلكەفتنێ دگێرن كو پێغەمبەر ل (12 ربیع الاولێ) چوییە بەر دلوڤانییا خودێ وژدونیایێ وەغەركری ، ئەرێ گەلو ئەگەر دوو مال پێگ ڤەبن دمالەكێدا بەهی هەبیت ودمالا دیدا شاهی هەبیت ئەرێ كیژ ژوان دێ خو بێ دەنگ كەن مالا تازیێ یان مالا شاهیی وكەیف خوشیێ ؟ یا دیارە كو مالا تازیێ دێ تازیا خو دانن وئەوێن دی دێ خو بێ دەنگ كەن . * مێژو ودیروك بو مە ڤەدگێریت كو یەكەمین جار ئەف مەولیدە دەركەفتین ل مصرێ بو لسەر دەمێ دەولەتا عوبەیدیان ئەوێن هێڤین جوهی وژدرەو خو دگەهاندنە فاطمی وئەهلێ مالا پێغەمبەری (سلاڤ لێ‌ بن) ودگوتن ئەم حەژ وان دكەن ، ئەوان دیت كو فەڵە دروژا ژدایك بونا عیسایێ كورێ مەریەمێ ئاهەنگا دگێرن ڤێجا ئەوان ژی چاف ل فەڵان كر وگوتن ما بوچی ئەم ژی ل روژا بونا پێغەمبەر ئاهەنگ ومەولیدا ناگێرین ، مەعنا ئەوا ئەف عەدەتە بو خو یێ ژ فەڵا وەرگرتین . * هندەك كەس هەنە دبێژن هندی ئەم حەژ پێغەمبەری (سلاڤ لێ‌ بن) دكەین مەدڤێت ل روژا بونا وی كەیفێ بكەین وبیرا خو ل سیرەتا وی بینین ، بو ڤان كەسا دێ بێژین حەژێكرنا پێغەمبەری (سلاڤ لێ‌ بن) تشتەكێ گەلەكێ فەرە وموسولمان بدروستی موسولمان نابیتن ئەگەر ژهەمی تشتا پتر حەژ پێغەمبەری نەكەن . بەلێ حەژێكرن وقەدرگرتنا وی بهندێ نابیت مروڤ بیدعا ل دینێ وی زێدە بكەت خودێ فەرمانێ ل پێغەمبەرێ (سلاڤ لێ‌ بن) خو دكەت بو مە دبێژت : (قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيم ٌ) (سورەتا ال عمران 31) تو بێژە ئەگەر هوین حەژ خودێ دكەن ل دیف من وەرن خودێ ژی دێ حەژ هەوە كەت ، دیف چونا مە بو پێغەمبەری (سلاڤ لێ‌ بن) ئەوە ئەم ددینێ خودا چاف ل وی بكەین ول سەر رێكا وی بچین ئەوا ئەو وهەڤالێت خو ل سەر چوین . *پێغەمبەر دگوتنەكا خویا پیروزدا دبێژت ئەو روژەكە ئەز یێ تێدا بویم ووەحی تێدا بو من هاتییە خوارێ ، بو وان كەسا ئەوێن ل سالێ روژەكێ ئەوی ل بیرا خو تینن ئەم دێ بێژین ئەگەر راستە هەوە پێغەمبەر(سلاڤ لێ‌ بن) دڤێت ئەڤە ئەو بخو یێ رێكێ بو هەوە ئاشكرا دكەت دەمێ ئێكی پرسیار ژێ كری وگوتیێ تو چ دبێژی بو روژی گرتنا دوشەمبێ ؟ شوینا بەرسڤێ بو بدەت وبێژتێ دورستە ئەگەرا دورست بونێ بو گوت وگوتێ ئەو روژەكە ئەز یێ تێدا بویم و یێ هاتیمە هنارتن . مەعنا قەنجییەكا مەزن بو ڤێ ئوممەتێ كو خودێ دایە هەوە ل روژا دوشەمبێ یە وبەرامبەر ڤێ شوكرێ هوین روژییا بگرن بو خودێ تەعالا ، روژا دوشەمبێ ئەو روژە یە ئەو روژا حەفتیێ جارەكێ دوبارە دبیت نەكو روژەكێ ئەو كیژك ژ مەیە دوشەمبیا دگرتن ژبەر حەژێكرنا پێغەمبەری(سلاڤ لێ‌ بن) ، بوچی هەمی تشتا بكەین بناڤێ حەژێ كرنا پێغەمبەری وبتنێ وی تشتی نەكەین ئەوێ پێغەمبەری (سلاڤ لێ‌ بن) گوتی ، یان ڤێ چەندێ ژیدا ئەم چاف لجوهییا بكەین ئەوێن خودێ تەعالا دبێژت (قَالَ أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ) (سورەتا البقرة 61) ئەرێ هوین دێ تشتێ باش وبخێرومەزن دێ گوهورن بتشتێ كێم . * ل ڤێرێ دێ بیرا خو ل گوتنا ئیمام مالكی ئینەڤە دەمێ دبێژت (هەر كەسێ بێژت بیدعەكا باش – بدعە حسنە – یا هەی هینگێ مەعنا وێ ئەوە یێ دبێژت كو پێغەمبەری خییانەت یا كری) . هیڤیا مە ژ خودێ ئەوە مە موسولمانا هشیاركەت ول دینێ خو شارەزا بكەت وتەوازوعێ برزقێ مە بكەت و ترسا خو بكەتە ددلێ مەدا كو ئەم ل دیف حەقیێ بچین وهند ترسا خو بكەتە ددلێ مەدا كو ئەم پێل مەصلەحەتا خو بدانین ژبەر هندێ كو ئەم ئیلتزامێ ب ئەمرو فەرمانا خودێ وپێغەمبەری (سلاڤ لێ‌ بن) بكەین و یاربی ئەم عەبدێت تەینە هەر ئێك ژمە دەفتەرەكا تژی گونەه هەیە گەلەك جارا شەیتان ونەفسا مە غەلەبەتێ ل مە دكەت وبەرێ مە ددەنە گونەهێ ڤێجا تو ل مە نەگرە وگونەهێن مە ژێببە ، یارەبی تو ئوممەتا ئیسلامێ هەمیێ بكەیە ئێك دل ودەست بەرێ وان بدەیە باشیێ ووان ژخرابیێ دویر بێخی ، یارەبی ئەم داخازو سوئالێ ژ تە دكەین تو حەژێكرنا خو برزقێ مە بكەی وتو وی تشتی ل بەر مە شرین بكەی ئەوێ تو ژێ رازی وتو حەژێ دكەی ، یارەبی ئەم داخازو سوئالێ ژ تە دكەین تو حەژێكرنا پێغەمبەرێ (سلاڤ لێ‌ بن) خو برزقێ مە بكەی وتو وی تشتی ل بەر مە شرین بكەی ئەوێ ئەوی ژێ دكر و ژێ رازی بو . نڤێسین بابێ‌ یوسڤی منقووووووووووووووووول.... أحفاد الصلاح الدين الأيوبي : أخوكم ابوحسين مزيري Hafar~alqbor@nimbuzz.com حفار القبور في خدمتكم http://paradiseway.yn.lt طريق الجنه خاص لتحميل تكستات اسلاميه، مع قسم اللغة الكرديه http://ramadhan.yn.lt رمضان ، لتعرف اكثر عن شهر رمضان، مع قسم اللغة الكرديه اذا أعجبك موضوع من موضوعاتى ..فلا تشكرنى ولكن أدع لي (في ظهر الغيب) ملاحظه : كل ملفات منقوله ومنسوخ