چارەسەری بو هێلانا گونەها 
شەمبی 23 رجب 1432 | نڤیسەر كوردستان 
ئەگەر تو ئەو بی ئەوێ‌ گونەها دكەت و پشتی هینگێ‌ پەشیمان دبت و توبە دكەت و استغفارا خودێ‌ دكەت, پاش دزڤریتە گونەهێ‌ جارەكادی و پشتی هینگێ‌ تەوبە دكەت و پشتی هینگێ‌ دئێتە ڤە…….. بێ‌ هیڤی نەبە و خو بێ هێز نەكە و نەبێژە بمڤەناهێت ئەز نەشێم ڤێ‌ گونەهێ‌ بهێلم.

دڤێت چارەسەری هەبیت !
ل دەست پێكێ‌ بیرا خو بینە كو تەوبە ژدایك بونەكا نیە بو مروڤێ موسلمان, و دلوڤانیا خودێ‌ هەمی تشت گرتینە و خودێ‌ تەعالا حەژ تەوبەدارا دكەت. ڤێجا ئەگەر تو ژ تەوبەداران بی مزگینی بوتە ب حەژێ‌ كرنا خودێ‌ تەعالا ئەوێ‌ دبێژیت دكتێبا خویا پیروزدا: (إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ) .

وبزانە مروڤ نە یێ‌ دیرە ژ گونەها (معصوم)ە, و توشی سستیێ‌ وكرنا خەلەتیا دبیت, و بیرا خو بینە ب گوتنا پێغەمبەری (سلاڤ لێ‌ بن): (كُلُّ بَني آدمَ خطَّاءٌ وخيرُ الخَطَّائينَ التَّوابونَ) .
بەلكو ئەوێ‌ دژایەتی یا سروشتێ‌ مروڤی وفطرەتا وی دكەت بەردەوامی یا مروڤی یە ل سەر سەرپێچیا و كرنا گونەها بێ‌ ترس و بێ‌ دوودلی.
راستیا ڤێ چەندێ‌ گەلی خویشك و برا كو مروڤ دەلیڤەكێ‌ ژ دەلیڤا نێزیك ژ خودێ‌ تەعالا و هەست ب زێرەڤانیا وی دكەت دێ‌ ئنیەت كەت كو تەوبە بكەت بو خودێ‌ تعالا و دێ‌ استغفارا كەت, و چێدبیت روندك ژ چاڤێت وی بهێن ژ پەشیمانیێ‌, و بەلكی ئەڤە چێبیت ل گوتارەكێ‌ ژ گوتارێن روژا ئەینی یا كارتێكەر یان وانەكا ئاینی ژ ئەنجامێ‌ رابونا هەست و سۆزێت ڤی مروڤی ل وێ‌ دەلیڤێ‌ و راكرنا وی ژ وێ‌ بێ‌ ئاگەهیێ‌ (غەفلەت)ێ‌, بەلێ‌ ب چونا ئەڤێ‌ كارتێكرنا دەرەكی – پشتی دەمەكی – ئەڤ كەسە دێ‌ زڤریتە ئەوی تشتی ئەوێ‌ بەری نوكە ل سەر بەری تەوبە بكەت, ومانا بەردەوام یا ڤی كارتێكەری چێدبیت بدەست نە كەڤیت هەمی دەما.

ئەرێ‌ چارەسەری چی یە ڤێجا ؟
چارەسەری ل هەبوونا تشتەكی یە بهێلیت هەستێ‌ مروڤی یێ‌ هشیار بیت كو بهێلیت ئەوی كەسی بەردەوامی هەبیت ل سەر وی بارودوخێ‌ ئیمانی یێ‌ دروست, و من گەلەك هزر كرن د ڤی بابەتی دا, ومن ل چارەسەریێت كارا د گەریا, و من دیت كرنا مروڤی ب كارەكێ‌ خێرێ‌ بو خودێ‌ تەعالا وبەرجەستەكرنا ڤی بارودوخێ‌ ئیمانی بو كارەكێ‌ ئیمانی ب خودێ‌ تەعالا, و مژیلبونا موسلمانی ب ڤی كاری دێ‌ ل دەف وی كارتێكرنەكا بەردەوام هێلیت, و ئەڤ كارێ‌ خێرێ‌ یێ‌ ئیسلامی – هەر چ سروشت بیت – دێ‌ هەستێ‌ ڤی مروڤی یێ‌ هشیار و ئامادە بیت. و هەروەسا ئەڤ مروڤە دێ‌ هەست ب بهایێ‌ خو یێ‌ ئاینی كەت ب كرنا ڤی كاری, ڤێجا ئەڤ مروڤە دێ‌ خو ژ گونەها دویركەت چونكی نەفساوی هەست كر ب مەزنیا پەرستنێ‌, ڤێجا كرنا گونەهێ‌ دێ‌ رەت كەت و دێ‌ خو ژێ‌ دیركەت.
ئەز ڤێ‌ چارەسەریێ‌ ددەمە بەر دەستێ‌ هەوە و ئەز دوعا ژ خودێ‌ دكەم ئەڤە ببیتە چارەسەرییەكا سەركەفتی و بمفابیت…….

منقووووووووووووووووول.... أحفاد الصلاح الدين الأيوبي : أخوكم ابوحسين مزيري
 Hafar~alqbor@nimbuzz.com 
حفار القبور في خدمتكم
 http://paradiseway.yn.lt 
طريق الجنه خاص لتحميل تكستات اسلاميه، مع قسم اللغة الكرديه 
http://ramadhan.yn.lt 
رمضان ، لتعرف اكثر عن شهر رمضان، مع قسم اللغة الكرديه
 اذا أعجبك موضوع من موضوعاتى ..فلا تشكرنى ولكن أدع لي (في ظهر الغيب)
 ملاحظه : كل ملفات منقوله ومنسوخ