گوننەهێت ڕۆژا جەژنێ‌ 
دوو شەمب 29 رمضان 1432 | نڤیسەر كوردستان 
ڕۆژا جەژنێ‌ ڕۆژا كەیفێ‌ ودڵ خوشیێ‌ یە، بەلێ‌ حەتا ئەڤ كەیفە نە بیتە ئەگەرێ‌ كەتنا د گوننەها دا ئەوێن شەریعەتی حەرام كرین ل هەمی وەختا ونەخاسمە ل ڕۆژا جەژنێ‌، من ڤییا چەندەكا ژ وان گوننەها دیار كەم ئەوێن ب رەنگەكێ‌ بەرفرەهـ خەلك د كەڤنە تێدا، ئەو ژی ئەڤەنە:
 
1- تێكەلی یا ژن ومێرا ل گەل ئێك (ئانكو: ئەو ژن ومێرێت لێك بێنە مارەكرن)، د ناڤ ماڵ دا یان ل جهێت گەریانێ‌ یان ل وەختێ‌ سەرەدانا یان د سویك وبازارا دا یان ل حازر بونا نڤێژا جەژنێ‌ یان ل هەر جهەكێ‌ دی.

2- چونا دەستی: ئانكو: زەلام بچیتە دەستێ‌ وێ‌ ژنێ‌ ئەوا ئەو ل وی بێتە مارەكرن، هەروسا ژن ژی بچیتە دەستێ‌ وی زەلامی ئەوێ‌ ئەو لێ‌ بێتە مارە كرن، هەر وەكی پێغەمبەرێ‌ خودێ‌ دبێژیت: ((لأَنْ يُطْعَنَ في رَأْسِ أَحَدِكُمْ بِمِخْيَطٍ مِنْ حَدِيدٍ خَيْرٌ لَهُ مِنْ أَنْ يَمَسَّ امْرَأَةً لاَ تَحِلُّ لَهُ)). ئانكو: ئەگەر شیژنەكا ئاسنی ل سەرێ‌ ئێك ژ هەوە بێتە قوتان بۆ وی باش ترە وچێترە كو ئەو دەستێ‌ خۆ بكەتە ژنكەكێ‌ ئەوا بۆ وی حەلال نەبیت (ئانكو: ئەوا لێ‌ بێتە مارەكرن).
3- بوراندنا كەیف خوشیێ‌ ل ڕۆژا جەژنێ‌ ب مقاما وتاوەتێ‌ ورەقاسێ‌ ب هێجەتا كو ڕۆژا جەژنێ‌ ڕۆژا كەیفێ‌ ودڵ خوشبێ‌ یە.
4- سەرەدانا زیارەتا د ڕۆژا جەژنێ‌ دا برەنگەكێ‌ نە دورست وب تایبەتی بۆ ژنا.
5- نوی كرنا خەم وعێجزییا وەكی گەلەك كەس هەنە ئێك ژ مالا وان یێ‌ مری چێت بیت بەری سالەكێ‌ ژی بەلێ‌ وەختێ‌ دبیتە ڕۆژا جەژنێ‌ دێ‌ بینی ئەو گەلەك یێ‌ د خەمەكا مەزن دا هەروەكی شونی ئەڤ كەسە مری. 
6- زەعیاتی وزێدەیی د هەمی تشتادا و ب تایبەتی د خارن وڤەخارنێ‌ دا.
7- چونا دمالا ڤە بێی ئزن ئەڤە ژی دبیتە ئەگەرا هندێ‌ كو ئەو كەس وخودانێ‌ مالێ‌ هەر دوو بكەڤنە كراسێ‌ شەرمێ‌، وژبلی هندێ‌ ژی ئەڤە كارەكێ‌ حەرامە د شەریعەتیدا، خودێ‌ مەزن دبێژیت: (يَا أَيُّهَا الَّذِينَ آمَنُوا لا تَدْخُلُوا بُيُوتاً غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَا ذَلِكُمْ خَيْرٌ لَكُمْ لَعَلَّكُمْ تَذَكَّرُونَ) (النور:27) ئانكو: ئەی ئەوێن باوەری ب خودێ‌ ئینای ودویكەفتنا پێغەمبەرێ‌ وی كری، ژبلی مالێن خۆ هوین نەچنە د چو مالێن دی ڤە حەتا هوین دەستویرییێ‌ ژ خودانێ‌ مالـێ‌ دخوازن وسلاڤ دكەنێ‌. وڕەنگێ‌ سلاڤێ‌ وەكی د سوننەتێ‌ دا هاتی ئەڤەیە: سلاڤ ل وە بن بێمە ژۆر؟ ئەڤ دەستویری یە بۆ هەوە چێتـرە؛ دا بەلكی هوین ـ ب كرنا وێ‌ ـ فەرمانێن خودێ‌ ل بیـرا خـۆ بینن، وگوهداری یا وی بكەن.
8- پێشكێش كرنا جگارا بۆ مێڤانێت جەژنێ‌ نەخاسمە بۆ بچیكا، چونكو جگارە كێشان یا حەرامە وهەروسا كرین وفروتن وپێشكێش كرنا وان ژی یا حەرامە.
9- دەركەتنا كچا برەنگەكێ‌ بێ‌ ستارە یان ب جلكێت زەلاما چ ئەڤ كچە د بچویك بن یان مەزن.
10- گرتنا وێنەیا ل هەمی ڕۆژا وبتایبەتی ل ڕۆژا جەژنێ‌.
11- بێ‌ خەمی د دەرهەقێ‌ زاڕوكا دا ونەشیرەت كرنا وان بۆ خودانا پاشا ژ كرنا گوننەها، و بتایبەتی كرنا قومارێ‌ چونكو ئەو ژ وان گوننەهانە یێت ب رەنگەكێ‌ بەرفرەهـ د ڤێ‌ ڕۆژێ‌ دا دئێتە كرن.
12- ڕۆژی گرتنا هەر چار ڕۆژێت جەژنێ‌، چونكو نابیت ڕۆژی د ڤان ڕۆژادا بێنە گرتن، چونكی ڕۆژێت جەژنێ‌ ڕۆژێت خارنێ‌ وفەخارنێنە، ژ بلی وی ئەوێ‌ ل حەجێ‌ بیت وكەفارەتەك ژ ڕۆژی یا ل سەر هەبیت دورستە ئەو ژ بلی ڕۆژا ئێكێ‌ ئەو وان ڕۆژێت دی بگریت.          
 
نڤێسین           
   ملا جلیل صادق باخورنیفی

منقووووووووووووووووول.... أحفاد الصلاح الدين الأيوبي : أخوكم ابوحسين مزيري
 Hafar~alqbor@nimbuzz.com 
حفار القبور في خدمتكم
 http://paradiseway.yn.lt 
طريق الجنه خاص لتحميل تكستات اسلاميه، مع قسم اللغة الكرديه 
http://ramadhan.yn.lt 
رمضان ، لتعرف اكثر عن شهر رمضان، مع قسم اللغة الكرديه
 اذا أعجبك موضوع من موضوعاتى ..فلا تشكرنى ولكن أدع لي (في ظهر الغيب)
 ملاحظه : كل ملفات منقوله ومنسوخ